GLOs活動:失戀旅行團參加者的信

你好嗎? 而家喺邊?過得點呀?

分開已經幾年啦!記得我地係由一個銷售電話而認識的。 記得嗰時 你係sell啲商業雜誌之類,而我就喺間細firm 到做嘢。 嗰時咁岩有機會接觸到你嗰啲雜誌。 但你嗰時亦都無太hard sell 。 同而家啲電話銷售太煩太 hard sell 所以對你無乜反感。 不過你亦都係為此打咗幾次電話嚟。 而最終都係接受咗你嘅銷售。可能真係因爲對我有用 所以先會訂購。

但之後, 你一有時間就會打電話來跟進,慢慢繼續打嚟傾閒計(吹水) 。

好自然地你就日日都會打嚟, lunch會打嚟,放工都會打嚟, 變得會關心下我。 越傾越深入,你開始講你自己背景比我知(社會社團背景)。 又問我怕唔怕識到呢啲人。 其實我一直都無深究呢個問題。 因為你性格,品格都無令我覺得反感,最少都係一個有禮貌嘅人。

第一次見到你時 雖然你打住呔但唔知係咪因爲你講過,所以感覺好似有少少似! (有背景的人)感覺怪怪,但你邊的同事兼兄弟就無呢個感覺。 不過無所謂啦。

之後每晚你都會打電話嚟傾計。慢慢就連我自己都習慣咗。直到某日 你問我有無聽過 “櫻花樹下”呢隻歌, 仲叫我留言歌詞! 就係咁你用咗呢隻歌嚟表白話比我聽你心裏想講咩。 而因為咁,好自然地一齊咗。 你係一個好細心嘅人,比其他男孩們都仲更加細心。所以一直都好有安全感。

一齊時間雖然唔係好長, 拍拖都係行街食飯,無去旅行,都無做過啲咩。平平淡淡過。 直到有日你同我講你無做呢份工, 反而好似係返咗社團嗰邊。雖然你無直接認,但其實大家都清楚知道。

就係因為咁, 大家見面越嚟越少, 電話亦越嚟越少, 但對話中你暗示過叫我唔好等你,我知你唔想拖累到我。 你亦話。有機會就會再打比我。令我感覺你個情況好似好危險 ,你無次打嚟都係無來電顯一,我亦都搵唔到你。好神秘,其實我只係擔心你。

之後就連電話都無個, 好似人間蒸發。 其實我一早預咗, 所以你話係傷心, 又唔算係,只係會有心痛同可惜嘅感覺。其實有時都會諗你會唔會隨時打嚟。不過呢個可能一直都無,直到你走嘅一年後,某日又再收到你嘅電話,你表示過你好攰,成日都唔係香港,可能會有危險。嗰刻我就只有心痛嘅感覺。而呢個電話,只係維持咗一個月。 又再消失了。

直到現在,究竟你係生係死我都唔知。你發生咩事我都唔知。

可能呢條刺都永遠會喺我心裡。 我知要重新再岀發, 亦有嘗試過,但有意無意間就會將你同他人作比較。 有時聽到櫻花樹下呢首歌,又會諗起你。 我知己經係一個過去,但到今日我都會好傻咁諗,會唔會突然某日又會再收到你電話。所又我一真keep住舊電話no. 或者呢日最終都唔會嚟臨。但我只係想知道 ”你現在過得好嗎 ?”

發表迴響

Up ↑

%d 位部落客按了讚: